Andleg ruslafata

Heimsins undur.

2008-10-12T06:11:00.002Z

Öll heimsins undur búa í okkur sjálfum, en samt erum við staðráðin í að leita þeirra annarsstaðar.

Njótum dagsins.

Vináttan.

2008-10-11T07:38:00.000Z

Gulli og perlum að safna sér,
sumir endalaust reyna,
vita ekki að vináttan er,
verðmætust eðalsteina.

Gull á ég ekki að gefa þér
og gimsteina ekki neina.
En viltu muna að vináttan er
verðmætust eðalsteina.

Höf: Hjálmar Freysteinsson, lækni og hagyrðing á Akureyri.

Bænir.

2008-09-30T08:47:00.002Z

Ég ólst upp við bænir, morgunbænir og kvöldbænir. Mamma signdi mig áður en ég var sett í nærbol, ég gerði slíkt hið sama við börnin mín ung.
Bænirnar fór ég með fram eftir aldri en einhverstaðar hættu þær að vera regla, urðu undantekning. Ég bað bænir þegar eitthvað bjátaði á, svolítið eins og segir í kvæði" Ef þú heldur í mig núna"
Og núna þegar ég fullorðnast meir og meir hugnast mér að biðja bænir á nýjan leik sofna stundum í miðju faðirvorinu en trúi því að Guð minn heyri til mín og meðtaki hugarfarið sem liggur á bak við bænirnar og þakklætið fyrir hvern dag.

Á vegi mínu um netið sá ég nokkrar bænir, sumum hafði ég gleymt:

Kvöldbænir

Endar nú dagur, en nótt er nær,

náð þinni lof ég segi,

að þú hefur mér, Herra kær

hjálp veitt á þessum degi

Vertu nú yfir og allt um kring

Með eilífri blessun þinni

Sitji Guðs englar saman í hring

Sænginni yfir minni.

(Sigurður Jónsson frá Prestshólum)

Nú legg ég augun aftur,

ó, Guð,þinn náðarkraftur

mín veri vörn í nótt.

Æ, virst mig að þér taka,

mér yfir láttu vaka

þinn engil svo ég sofi rótt.

(Foersom/Sveinbjörn Egilsson)

Ég fel í forsjá þína,

Guð faðir, sálu mína

því nú er komin nótt.

Um ljósið lát mig dreyma

og ljúfa engla geyma

öll börnin þín svo blundi rótt.

(Matthias Jochumsson)

Láttu nú ljósið þitt

lýsa upp rúmið mitt,

hafðu þar sess og sæti

signaður Jesús mæti.

Ég fel í sérhvert sinn

sál og líkama minn

í vald og vinskap þinn

vörn og skjól þar ég finn

(Hallgrímur Pétursson)

Morgunbænir

Verkin mín,Drottinn, þóknist þér,

þau láttu allvel takast mér,

ávaxtasöm sé iðjan mín,

yfir mér vaki blessun þín.

(Hallgrímur Pétursson)

Vertu, guð faðir, faðir minn,

í frelsarans Jesú nafni,

hönd þín leiði mig út og inn,

svo allri synd ég hafni.

(Hallgrímur Pétursson)

Vertu, góði Guð, hjá mér,

gleði sönn er veitt af þér.

Gjörðu bjart mitt bernskuvor,

blessa, faðir, öll mín spor.

Alltaf veist þú um minn veg,

allt þú veist, sem tala ég,

öll mín verk sér auga þitt,

einnig hjartalagið mitt.

(Einar Jónsson)

Leiddu mína litlu hendi,

ljúfi faðir þér ég sendi.

Bæn frá mínu brjósti sjáðu,

blíði Jesú að mér gáðu.

Hafðu gát á hjarta mínu,

halt mér fast í spori þínu,

að ég fari aldrei frá þér,

alltaf Jesús, vertu hjá mér.

Um þig alltaf sál mín syngi

sérhvern dag, þó eitthvað þyngi.

Gef ég verði góða barnið,

geisli þinn á kalda hjarnið.

(Ásmundur Eiríksson)

Nú er ég klæddur og kominn á ról,

Kristur Jesús veri mitt skjól,

í guðsóttanum gef þú mér

að ganga í dag svo líki þér.

(Hallgrímur Pétursson)

Aldeilis himnesk.

2008-08-11T01:00:00.002Z

Ótrúlegt hvað daman stækkar fljótt! Heiðrún Björg Hlynsdóttir er hér heldur sposk á svip.
Ég brá mér í Hólminn á dögunum til að knúsa dömuna. Ekkert er mikilvægara í veröldinni víðri en knús.

Njótum þess er við höfum.

Hugsandi eða hvað?

2008-08-10T22:49:00.002Z

ÉG HEF VERIÐ AÐ REYNA AÐ HUGSA.

Það gengur ekki, kattarólánskvikindið truflar mig við skriftir, hann er að gera heiðarlega tilraun til að veiða fluguna sem hefur truflað mig í dag.

Njótum hvers annars.

Til Guðs

2008-08-08T07:55:00.002Z

Til Guðs frá Jóhannesi.

Komdu blessaður drottinn minn sæll og blessaður

og þakka þér fyrir gamalt og gott

nú er orðið langt síðan við höfum sézt

við höfum einhvern veginn farizt á mis

Ég hef stundum verið að segja við sjálfan mig

guð minn guð minn hví hefur þú yfirgefið mig

það er skömm að því að hittast ekki oftar

eins og við vorum nú samrýmdir í gamla daga

Þú varst alltaf svo skemmtilegur á jólunum

mikið varstu nú almáttugur og algóður

og mikið hefurðu nú gengizt fyrir síðan

ég held þú sért orðinn ennþá karlalegri en ég

Er ekki voða erfitt að vera guð á svona tímum

hvað líður vísitölunni í himnaríki núna

tollir nokkur sála hjá þér þarna í sveitinni

fara ekki allir til fjandans í höfuðstaðinn

Skaparðu nokkuð merkilegt nú orðið

hefurðu nokkurn stundlegan frið fyrir mönnunum

eru þeir ekki alltaf að hóta þér verkfalli

eru þeir ekki alltaf að biðja þig um stríð

Nú erum við íslendingar hættir við byltinguna

við græddum svo mikið á síðasta stríði

heldurðu að þú gefir okkur nú ekki eitt enn

eða kannski þú sendir okkur nýjan frelsara

Skelfing leiðist mér hvað þú ert á hraðri ferð

því gaman hefði verið að spjalla lengur við þig

jæja drottinn minn vertu ævinlega margblessaður

og feginn vildi ég eiga þig að

Jóhannes úr Kötlum

Afmæli

2008-07-28T22:07:00.002Z

Hún á afmæli í dag hún á afmæli í dag hún á afmæli hún Alma - hún á afmæli í dag.

Til hamingju með daginn Alma.

Bæn dagsins

Nú er ég klæddur og kominn á ról,
Kristur Jesús veri mitt skjól,
Í guðsóttanum gef þú mér
að ganga í dag svo líki þér.

Himnesk dama.

2008-07-20T09:58:00.000Z

Eldey Hrefna barnabarn ákvað að yfirgefa hreiðrið hum og da. Góð!!!!!!!!!

Óborganleg.

2008-06-13T07:02:00.000Z

Haugarfi tíndur á Ölvaldsstöðum.

2008-06-13T05:49:00.000Z

Soffía við haugarfa tínslu, kjöraðstæður.

Hafdís Lilja Torfadóttir

2008-06-12T21:37:00.000Z

Einstaklega flott barnabarn hér á ferðinni hún verður ellefu ára í næsta mánuði. Tíminn þýtur áfram.

Lítill fótur

2008-06-11T09:32:00.001Z

Eldey Hrefna

Njótum þess sem við höfum.

Sexhundruðsextíuogsjö dagar.

2008-06-11T09:16:00.002Z

Ég á þetta blóm, ég færði mér það í auðmýkt og þakklæti fyrir allt sem mér hefur hlotnast. Megi ég vel njóta.

Eru síðan ég hætti að drekka.

Það er gott að vera til.

Bræðurnir

2008-06-11T09:13:00.002Z

Núna þegar ég hef nægan tíma sé ég sitthvað af myndum í tölvunni minni

Bjarki og Hlynur eru þarna saman í skírn Heiðrúnar Bjargar sem hvílir örugg í föðurörmum.

Njótum dagsins lífsins og hvers annar.

Óliver Bjarkason

2008-06-08T21:38:00.001Z

Hér koma engar myndir.

2008-06-07T20:22:00.001Z

Helgin sem er að líða.

2008-06-07T20:21:00.003Z

Hafdís Lilja Torfadóttir situr fyrir hjá ömmu sem alltaf vill myndir.

Alveg að fara að hlæja, amma reynir að skemma uppstillinguna.

Allar saman nú.

Njóta dagsins og lífsins.

Gildir alla daga alltaf.

Helgardömurnar fleiri myndir

2008-06-07T20:20:00.002Z

Klara er vinkona Hafdísar og kemur með á stundum í ömmuhelgi, hún hefur gaman af leirunum hér fyrir utan.

Klara er með einstaklega mikið og fallegt há auk þess að vera afar ljúf.

Takið eftir brúnu augunum hennar.

Systurnar alltaf flottar og góðar saman.

Helgardömurnar

2008-06-07T20:11:00.002Z

Karólína

Klara

Hafdís

Allar saman nú.

Njótum þess sem við höfum.

Falleg tengdadóttir

2008-06-07T12:52:00.001Z

Flottar mæðgur!!!!!!!!!!!!!!!!!!

2008-06-06T20:00:00.001Z

Karólína -Hafdís - Renata

Haninn gól þegar við birtust.

2008-06-02T08:25:00.004Z

Magnea Lind glöð að sjá afa sinn.

Þvílíkt sæt stelpan.

Afigösli og Magnea Lind.

Magnea - Gösli Afi - Hafdís amma.

Við gömlu hjónin fórum norður í land um helgina nýliðnu.

Þar heimsóttum við meðal annars hana Magneu Lind Óðinsdóttur hún er að verða sex ára nú í júní. Mikið líður tíminn hratt.

Við hjónaleysin brugðum okkur til Hríseyjar í hádegismat og þega við vorum á vappi um eyjuna gól haninn mér til heiðurs.

Margt fleira merkilegt en seinna.

Njótum dagsins lífsins og hvers annars.

Lítill fótur.

2008-05-31T07:22:00.004Z

Heiðrún Björg.

Njótum þess sem við höfum.

Alltaf janfskemmtileg mynd.

2008-05-30T00:17:00.001Z

Heiðrún Björg í faðmi föður síns nokkurra klukkustunda gömul

Fóturinn er yndislegur.

Ömmustelpur og þrældómur.

2008-05-25T12:23:00.003Z

Þær voru settar í að vinna fyrir grautnum, Hulda Líf og Lísa Lind.

Njótum dagsins.

Alltaf fersk.

2008-05-24T15:33:00.002Z

En dálítið væmin, heyrði þetta lag og sveif á vit minninga:

Morning please don't come

Surely you see that my lover is sleeping

Morning please don't come

Let the night linger on

When the stars have left the sky

We must say fond goodbye

Make the night a little longer

Morning please don't come

Starshine glow a little stronger

Morning please don't come

Day don't break for you will take

My love away from me

Try to hold back the sun

I beg you morning please don't come

Sing sweet nightingale

Sing me a song of a night never-ending

Sing sweet nightingale

And I'll try to pretend

That tomorrow's nowhere near

And there's nothing to fear

Make the night a little longer

Morning please don't come

Starshine glow a little stronger

Morning please don't come

Day don't break for you will take

My love away from me

Try to hold back the sun

I beg you morning please don't come

Try to hold back the sun

I beg you morning please don't come

Try to hold back the sun

I beg you morning please don't come

Njótum dagsins lífsins og hvers annars.

Æfa sig .................

2008-05-21T22:01:00.004Z

Og meiri snilld.

2008-05-20T06:44:00.000Z

Þetta var ekki á matseðlinum, en rétt að skoða nánar.

Og núna sé ég hvað ég er hæfileikarík.

2008-05-20T06:42:00.000Z

Hrefna skoðaði matseðilinn og las á sinn hátt. En hver ræður eiginlega?

Mér fer fram.

2008-05-20T06:40:00.000Z

Afi Gösli, Eldey Hrefna, amma Hafdís fóru saman út að borða.

Kettir og kattarofnæmi.

2008-05-20T05:42:00.003Z

Óskhyggja!

Ég er með ketti og er með ofnæmi fyrir þeim.

Einn svartan högna og eina svarta læðu, þau eru systkyni.

Þeir sofa upp í rúminu mínu hjá honum Gösla mínum. Hann er ekki með ofnæmi fyrir þeim.

Kettirnir eru að verða tveggja ára, geltir, örmerktir og þeim fylgir heilsufarsbók.

Svo ef þig vantar ketti þá er bara að hafa samband.

Njóttu dagsins.

Nýr dagur, góður dagur

2008-05-18T14:18:00.003Z

Mér er ýmislegt í huga í dag, veit ekki hvar byrja skal, þá síður enda.

Fyrir þá sem eiga um sárt að binda kveiki ég á kerti.

Fyrir þá sem eru hamingjusamir birti ég mynd af eilífðarblómi.

Þeir sem eru hvorutveggja mega vel við una, allt er samtvinnað.

Njótum dagsins lífsins og hvers annars.

Reyna og reyna

2008-05-12T02:28:00.001Z

Líf mitt og allt.............

2008-05-10T17:30:00.007Z

Líf mitt hófst fyrir 56 árum, 676 mánuðum, 2936 vikum og 20556 dögum síðan.

Á þriðjudegi á því herrans ári 1952 kom sem sé storkurinn með mig:

Svo vildi til að enginn merkimiði með yfirlýsingu um að lífið yrði mér sérstaklega auðvelt fylgdi. Svo á langri ævi:

Á því herrans ári 1952 hljómuðu eftirfarandi lög á topplistum einhversstaðar í heiminum:

You Belong to Me by Jo Stafford
Wheel of Fortune by Kay Starr
I Went to Your Wedding by Patti Page
Auf Wiederseh'n Sweetheart by Vera Lynn
Kiss of Fire by Georgia Gibbs
Why Don't You Believe Me by Joni James
Blue Tango by Leroy Anderson
Half As Much by Rosemary Clooney
Glow-Worm by Mills Brothers
Slow Poke by Pee Wee King

Og það eru 264 dagar þar til ég á næst afmæli verð sem sé 57 ára.

Betra að óska mér til hamingju strax!

Ekki þýðir að gráta étinn hest eða liðna tíð.

Ég ólst upp í Reykjavík ein af sjö systkynum. Miðjubarn.

Og mikill engill.

Ég var dugleg – klár – kraftmikil – þótti uppátækjasöm á stundum. Baldin einstaka sinnum, lítið dömuleg. Stóð á mínu fastar en fótum. Hugmyndarík og frjó í hugsun.

Í dag fengi ég greiningu strax við fyrstu skoðun fræðinga = Ofvirk með athyglibrest og mótþróaþrjóskuröskun.

Get your Custom TShirt Generator at hostdrjack.com

Ég hefði nú gaman af að klára ævisögu mína við tækifæri. En þangað til:

Njótið dagsins lífsins og hvers annars.

Að vera sæl með sig.

2008-05-09T08:04:00.005Z

Aldeilis ekki einfalt. Bakka oft og minni mig á.

Gleði og hamingja er ekki sjálfgefin. En margt gleður bæði augað og andann.

Til dæmis þetta:

Reynsla !

Ég bað um að verða sterk/ur, og Guð gaf mér erfiðleika til að gera mig sterka/nn.

Ég bað um að verða vitur, og Guð gaf mér verkefni til að leysa.

Ég bað um velsæld, og Guð gaf mér hug og hönd til að vinna.

Ég bað um hugrekki, og Guð lét mig mæta hættum til að vinna á.

Ég bað um ást, og Guð gaf mér fólk í erfiðleikum sem ég get hjálpað.

Ég bað um greiða, og Guð gaf mér tækifæri.

Ég fékk ekkert af því sem ég bað um, og þó ! Ég fékk allt sem ég þurfti.

--------------------------------------

Og þetta:

Alheimsundrin eru mörg en maðurinn er mesta undrið.

Njótum.

Ömmubæn

2008-05-06T23:28:00.004Z

Á langri ævi verður sitthvað á vegi sérhvers manns. Þessi bæn frá ömmu til dóttursonar varð á vegi mínum og ég varð að deila henni með leyfi hlutaðeiganda.

Ömmubæn

Lag:Í bjúgri bæn
Texti:Sigríður Sigurðardóttir

Amma Sigga og Friðjón Ingi

Sem ljósgeisli í líf mitt inn
þú læddist sólskins-drengurinn.
Í brjósti lýsti birta sterk
þú birtist mér sem kraftaverk.

Þá ósk ég ber í brjósti mér
að birta ávallt fylgi þér
og lýsi skær á lífsins braut
og leiði þig frá hverri þraut.

Gangi þér gæfan þétt við hlið
í gegnum lífið, þess ég bið
á lífsins göngu eignist þú
ótal drauma, vonir, trú.

Og upp þú vaxir ungi sveinn
æðrulaus og hjartahreinn.
Megi móðurhöndin blíð
þig máttug leiða alla tíð.
-----------------

Njótum þess sem við höfum.

Minn kæri ungi vinur.

2008-05-03T21:55:00.001Z

“Minn kæri ungi vinur.

Glati ég gleðinni, þá glata ég öllu.

Galdurinn við að komast tiltölulega heill í gegnum lífið þó maður sjái margt misfagurt á lífsleiðinni er sá að þó nóttin sé dimm og löng, þá þarf maður aðeins að líta til himins til að sjá stjörnurnar sem lýsa upp náttmyrkrið.

Þessir örlitlu ljósu punktar á himninum geta gert kraftaverk.

Þannig er með lífið, að svartnættið getur umlukið mann á hverri stundu, en eins og ég sagði áðan þá þarf bara að líta upp til að reyna að finna í það minnsta einhverja gleði í hjartanu„

Njótum þess sem við höfum.

Sumarið er komið

2008-04-24T15:54:00.001Z

Sumardagurinn fyrsti.

Ég er stödd á rómantískum stað, á þessum degi elskenda. Allavega elskum við hvort annað skilyrðislaust ég og Gösli minn.

Þar sem hann er að vinna og ég sit og horfi út á leirurnar með ástarsöng fugla í eyrum þá líður um hugann sitt hvað fallegt:

Það er gott að elska

Það var einn morgun snemma sumars þegar sólin kíkti inn
ég sat við gluggann með kaffið var að horfa á himininn
geislarnir tipluðu inn á hvítum fótum og földu brosin sín
og fundu þig undir sænginni mjúku og opnuðu augun þín.

Viðlag:
og Það er gott að elska
og það er gott að elska
og það er gott að elska
konu eins og þig.

Þú býður mér blíðlega góðan dag og drekkur þitt kínverska te
dimmblá fegurð augna þinna er það eina sem ég sé
Það er ljúft að horfa á þig og finna friðinn sem leggur frá þér
ú ert falleg svona nývöknuð, þú ert allt sem ég óska mér.

Og það er gott ...

Og nú er ég orðinn faðir og finn hvursu ljúft það er
að fá furðu smáar hendur að morgni dags um háls á mér.
Og gagnvart konu eins og þér er ástin mitt eina svar
og ef það er líf eftir þetta líf þá mun ég elska þig líka þar.

Og það er gott ...

Bubbi Morthens

Með þér

Sérðu ekki við fæddumst til að standa hlið við hlið
og halda út á veginn saman og líta aldrei við.
Með þér vil ég verða gamall og ganga lífsins veg
með þér er líf mitt ríkara - með þér er ég bara ég.

Menn segja ég sé breyttur og syngi um börnin og þig
ég syng um það sem skiptir máli aðeins fyrir mig.
Eitt mátt þú vita - ég elska þig meira en lífið sjálft
ég trúi án þín mitt líf væri hvorki heilt né hálft

Með þér er vorið yndislegt
og sumarið dýrðin ein.
Með þér er haustið göngutúr
og ævintýri undir stein.
Með þér er veturinn kertaljóskoss og stök rós.

Bubbi Morteins

Ást

Sólin brennir nóttina,
og nóttin slökkvir dag;
þú ert athvarf mitt fyrir
og eftir sólarlag.

Þú ert yndi mitt áður
og eftir að dagur rís,
svölun í sumarsins eldi
og sólbráð á vetrarins ís.

Svali á sumardögum
og sólskin um vetrarnótt,
þögn í seiðandi solli
og söngur, ef allt er hljótt.

Söngur í þöglum skógum
og þögn í borganna dyn,
þú gafst mér jörðina og grasið
og guð á himnum að vin.

Þú gafst mér skýin og fjöllin og guð
til að styrkja mig.
Ég fann ei, hvað lífið var fagurt,
fyrr en eg elskaði þig.

Ég fæddist til ljóssins og lífsins,
er lærði eg að unna þér,
og ást mín fær ekki fölnað
fyrr en með sjálfum mér.

Aldir og andartök hrynja
með undursamlegum nið;
það er ekkert í heiminum öllum
nema eilífðin, guð og við.

Sigurður Norðdal

Ástarljóð til þín
Ástarljóð til þín ég yrki í sandinn
aldan í víkinni stafina þvær
burt hafa skolast
mín ljóð fyrir lítið
þeim eyddi hinn síkviki sær.
Úr fjörunnar sandi
þar borgir við byggðum
því bernskan við sólinni hlær.
Fegurstu draumar
og framtíðarsýnir
en flóðið það sléttaði þær.
Ástarljóð til þín ég yrki í sandinn
aldan hún stafina þvær.

Fortíðin geymist í fjörunnar sandi
og fegurstu vonir
draumar og þrár.
Ósamið ljóð mitt
það lifnar við seinna
og líka mín ógrátin tár.
Háflóðið eyðir því
allt mun þar hverfa
orðvana sandurinn grár
alltaf jafn nýr eins og
mynd þín í muna
mér verður um ókomin ár.
Fortíðin geymist í fjörunnar sandi
fegurstu draumar og þrár.

Gleðilegt sumar

Njótum dagsins lífsins og hvers annars.

Prufa, prufa

2008-04-24T12:41:00.001Z

Finnst þetta bara fallegt.

2008-04-23T10:33:00.002Z

Tvær stjörnur

Tíminn flýgur áfram og hann teymir mig á eftir sér
og ekki fæ ég miklu ráðið um það hvert hann fer.
En ég vona bara að hann hugsi svolítið hlýlega til mín
og leiði mig á endanum aftur til þín.

Ég gaf þér forðum keðju úr gulli um hálsinn þinn,
svo gleymdir þú mér ekki í dagsins amstri nokkurt sinn.
Í augunum þínum svörtu horfði ég á sjálfan mig um hríð
og ég vonaði að ég fengi bara að vera þar alla tíð.

Það er margt sem angrar en ekki er það þó biðin
því ég sé það fyrst á rykinu, hve langur tími er liðinn.
Og ég skrifa þar eitthvað með fingrinum sem skiptir öllu máli.
Því að nóttin mín er dimm og ein og dagurinn á báli.

Já, og andlitið þitt málað. Hve ég man það alltaf skýrt,
auglínur og bleikar varir, brosið svo hýrt.
Jú ég veit vel, að ókeypis er allt það sem er best.
En svo þarf ég að greiða dýru verði það sem er verst.

Ég sakna þín í birtingu að hafa þig ekki við hlið mér
og ég sakna þín á daginn þegar sólin brosir við mér.
Og ég sakna þín á kvöldin þegar dimman dettur á.
En ég sakna þín mest á nóttinni er svipirnir fara á stjá.

Svo lít ég upp og sé við erum saman þarna tvær
stjörnur á blárri festinguni sem færast nær og nær.
Ég man þig þegar augu mín eru opin, hverja stund.
En þegar ég nú legg þau aftur, fer ég á þinn fund.

Lag og texti: Megas

Gleður mig í dag að lesa þennan texta.

Njótum dagsins lífsins og hvers annars.

Skoðanir og reynsla annara.

2008-04-22T07:49:00.002Z

Ég þessi fallega kona dunda mér á stundum við að skruna á netinu. Finn þar margt og mikið af efni. Stundum les ég, stundum skanna ég, stundum fletti ég hratt.
Ég rakst á eftirfarandi síðu á dögunum:

www.123.is/asa.disa/blog

Í pisli frá 17.04.2008 fjallar hún um efni sem er mér hugleikið og hefur verið um langt skeð.

" Kannski má líkja vegferð okkar allra hér á jörðu við stórvirki. Það er ekki hægt að vinna stórvirki nema sjálfsagi sé fyrir hendi. Sjálfsagi er fólginn í því að hemja m.a. neikvæða, oft áráttuhegðun okkar, á þann hátt verðum við sterkari á svellinu í daglegu hversdagslífi, en mikið getur þetta oft verið erfitt, en skilar sér, eins og við óskum, að unglingarnir okkar skili sér heim. "

Svo ætla eg að dunda mér við að lesa meira af skrifum hennar, ekki endilega alltaf sammála en margt vekur hug minn og er ekki notarlegt að hafa hug og hönd vakandi?

Njótum dagsins lífsins og hvers annars.

Stykkishólmur.

2008-04-20T23:04:00.005Z

Við gömlu hjónin lögðum dekk undir bíl og brunuðum í Hólminn, sem heillar svo marga.

Tókum að sjálfsögðu myndir af barnabarninu:

Kaffibollinn freistaði mikið enda skrautlegur mjög, Vedderinn er eiginlega utundanhundurinn á heimilinu.

Sæt saman að vanda.

Uss, uss amma.

Ótrúlega fríð eins og amma sín.

Amman er heilluð af blúndurössum, Heiðrún er að baxa við að laga kjólinn.

Vel heppnað eintak.

Þar sem ömmunni var snarbannað að gefa dömunni kaffi, nældi hún sér í naglalakk, og er að reyna að opna flöskuna með þeim ráðum sem hún kann.

Njótum dagsins lífsins og hvers annars.

Það kom að því.

2008-04-14T07:26:00.001Z

Klósettsetan.

Réttara sagt lokið á klósett setunni. Því ég sest á klósett setuna þegar ég sest á annað borð á klósett.

Ekki þætti mér gott að tilla mínum fagra afturenda á postulínskálina sjálfa, tala nú ekki um að vetrarlagi. Gæti þá verið ísköld greyjið atarna. Hvað þá ef karlmaðurinn sem ég bý með væri nýbúinn að pissa, það vill frussast út um allt því hann pissar standandi að karlmanna sið.

Loka eða skilja eftir opið?

Setja lokið á klósettsetunni niður eða ekki?

Sem fimmtíuogsex ára gömul kona hef ég oftar en ekki látið klósettsetulok stjórna því hvernig mér líður. Ekkert skemmtilegt að segja frá en svona er nú lífið samt og staðreyndir þess.

Ég hef reynt ýmislegt misgáfulegt eins og rökræður, hótanir, grát, röfl og taut, miða með alskyns ábendingum eða allt sem mér hefur til hugar komið á langri æfi.

Hefur eitthvað dugað?

NEI, alveg dagsatt og það lengist ekkert á mér nefið við þessa yfirlýsingu.

Einu rökin sem hafa dugað um stund, eða dugðu um stund voru á þá lund að allar bakteríurnar sem fylgja úrgangslosun líkamans svifu um baðherbergið og settust að á vænlegum stöðum, líka á tannburstum. En bara um stund:

„Fyrst ég hef lifað öll þessi ár með kúka og piss bakteríur á tannburstanum mínum gera þær mér ekkert mein.“

Svo mörg voru þau orð.

Nú, nú. Á dögunum heyrði ég vitnað í Feng sú fræðin miklu. Ætíð að setja setuna niður svo auður húsins færi ekki niður! Ég vona að ég fari rétt með.

Í það minnsta er er komin skýring á fátækt heimsins ef rétt reynist.

Lík klósettsetuloksumræðum að sinni.

Vá það er gott að vera til.

Njótið dagsins lífsins og hvers annars.

Karólína Vilborg Torfadóttir

2008-03-29T21:01:00.001Z

Stóðst ekki freistinguna!

Karólína Vilborg

2008-03-29T19:32:00.003Z

Falleg fermingarstelpa, lík ömmu sinni. Skrýtið hversu stutt er síðan ég leit hana augum fyrst, í gær var það á fæðingardeildinni í Stykkishólmi.

Njótum dagsins, lífsins og hvers annars.

Beiskjan uppmáluð.

2008-03-26T06:51:00.002Z

Beiskjan uppmáluð, niðurmáluð eða teiknuð upp á vegg.

Ég er beisk, bitur, brúnaþung og niðurbrotin á sál og líkama.

Ég er á rangri hillu í lífinu. Ég ætti að vera einn af ráðamönnum þjóðarinnar.

Þá biði mín ekki kreppa, sultardropar úr mínu fagra nefi eða gjaldþrot.

Ráðamenn íslenskir sem og af öðru þjóðerni, sitja feitir og pattaralegir og njóta lífsins. (Gildir um afkomendur þeirra, vini og kunningja).

Út um annað munnvikið beina þeir orðum sínum til þegnanna og segja ábúðafullir á svip:

"Draga saman"

"Sýna aðhald"

"Nauðsynlegar ráðstafanir"

Ég er nú eftirvill ekki sú best lesna í sögu landsins en það er eins og mig rámi í að sjaldnast séu forsvarsmenn þjóðarinnar í biðröð hjá hjálparstofnunum.

Má vera að heilabilun hækkandi aldurs hafi þar áhrif.

Ég er hætt beiskjutali, fer út í daginn, vinn mína vinnu af alúð og dyggð á þeim launum sem ráðamenn vorir skammta öðrum ríkisstarfsmönnum naumt úr hnefa.

Ég er með umfram fitubirgðir svo vonandi tóri ég næstu sjö árin, þar til velmegun hefst á ný.

Njótum dagsins, lífsins og hvers annars.

Óborganleg!

2008-03-24T12:48:00.003Z

Þessi mynd af dótturdóttur minni er einstök og óborganleg. Hrefna lítur út eins og að einhver sé að reyna að ná af henni kálinu og hún ætli ekki að láta það af hendi.

Það er gott að vera til njótum dagsins.

Föstudagurinn langi

2008-03-21T08:09:00.002Z

byrjaði snemma og við sátum í friði og ást yfir kaffibolla ég og maðurinn sem ég elska. Hann hefur ekkert dansað við mig í morgun en vísur og ljóðabrot hlýjað mér. Það er gott að eldast og elska laus við amstur og áhyggjur.

Við förum bæði að vinna í dag, eins og það séu fréttir á þessum bæ.

Okkar tími mun koma í auðnuleysi, leti og ljóðagerð. Við erum góð saman.

Njótum hvers annars.

Spónamatur

2008-03-17T07:33:00.003Z

er nú aldeilis ekki góður til lengdar, ég veit ekki með allt fólkið sem flykkist erlendis til og nærist á grasagraut og safa, vatni til hátíðarbrigða. Ætli það verði ekki innantómt og langleitt eftir marga daga í sulti og seyru.

Allt þetta er af hinu góða svosem en ristilhreinsunin sem núna er í tísku hlýtur að vera einstök, ég hef séð græjurnar og fýsir ekki ákaft til að sitja og horfa á það sem rúllað hefur í gegn um meltingarveginn minn. Jæja hvern varðar svosem um k.. og s...------------segi nú ekki annað.
Þar sem ég er komin á þann aldur að mér ber að hegða mér með tilliti til þess og vera orðprúð miðaldra og fögur.

Yngstu börnin mín tvö eignuðust sín fyrstu börn á síðasta ári og eru bæði með myndasíður á barnalandi.

Eldey Hrefna er með http://www.eldeyhrefna.barnaland.is/ og Heiðrún Björg er með http://www.heidrunbjorg.barnaland.is/

Ég á nú aldeilis fullt af barnabörnum sem öll eru lagleg, vel gerð, gáfuð og skemmtileg eins og amma sín. Það elsta fermdist í gær, Karólína Vilborg Torfadóttir vá hvað tíminn líður hratt, glæsileg ung dama þar á ferð. dagurinn var dýrðlegur svo ekki verði dýpra í árina tekið.

Ég velti mér stöðugt upp úr kreppunni og hvað sé í gangi þar, er líka að hugsa um að kaupa mér Ora grænarbaunir í dósum og koma fyrir í kjallaranum svona ef haframjölið þrýtur, er reyndar komin með nokkra sekki af kreppugrautsefni. Og veit að ég kann að endurnýta pokana þegar þeir eru orðnir tómir. Nýtti þá til mussugerðar í þá gömlu góðu, ofboðslega flottar flíkur.

Leggst yfir efnasöfnun í væntanlega kreppubók.

Njótum hvers annars.

Kreppugrautur

2008-02-22T21:35:00.002Z

Minn uppáhaldsgrautur er hafragrautur. Nú í dag þegar ég ræð, vel ég á stundum hafragraut elda hann handa okkur elskendunum í Borgarnes. Og er elskuð meira fyrir vikið.
Hafragrautur var daglegt brauð í uppeldinu og einatt hræringur. Ég hét því að borða aldrei aldrei hafragraut þegar ég kæmist til vits og ára, stóð ekki og stend ekki við það fremur en marg annað.

Hafragrautur

Hafragrautur er spónamatur (Spónamatur er samheiti yfir graut, skyr, ábrysti, súpu og fleira sem hefð er fyrir að étið sé með skeð. Nafnið er dregið af því að áður en eiginlegar skeiðar bárust til Íslands, þá voru notaðir spænir í staðinn, eins konar skeiðar sem voru skornar út, gjarnan úr dýrahorni. Spónamatur var yfirleitt étinn úr öskum fyrr á tíð, en nú orðið hafa skálar tekið við.) eða grautartegund, uppskriftin er:

1 dl Hafragrjón
2 dl vatn
1/2 tsk salt

Aðferð

Öllu blandað saman í pott og soðið í nokkrar mínútur.

Svo má bragðbæta hann:

Hveitiklíð til að mýkja hann
Bananar
Sykur og kanil eða kanilsykur
Sulta
Fjallagrös
Mjólk eða skyr
Ávexti, rúsínur, bláber, epli o.s.frv. (oft er settur kanilsykur með eplum)

Gösli minn borða slátur með sínum graut bæði súr og nýtt. Mér finnast hinsvegar bananar unaðslegir út á grautinn.

Ódýrt hollt og næringarríkt kemur þar af leiðandi sterkt inn í kreppuna. Kannski verður bara engin kreppa ef við öll sem eitt förum að fara betur með allt sem við eigum.

Njótum hvers annars.

Kreppa og hjal.

2008-02-21T17:52:00.002Z

Kreppan, kreppan og kreppan.

Og þá er að segja upp öllum blöðum og tímaritum, öllum sjónvarpsáskriftum, hætta að leigja myndir út á vídeóleigu.
Hætta að kaupa dvd myndir, hætta að kaupa bækur.

Drífa sig á bókasafnið, þar eru dvd án endurgjalds, bækur og fleira fyrir ársgjald á kr. 1300.- fyrir fullorðna, þeir sem eiga börn eða gamalmenni að, nota kortin þeirra.

Dótla mín segir að bækur eigi ekki að vera einlesnar, látum bækurnar okkar ganga manna á milli.

Nú á bókasöfnum er horn fyrir gjafabækur, gefa og fá gefið. Umda.

Svo er hægt að koma sér upp ég lána þér og þú lánar mér kerfi kringum allt mögulegt.

Jæja eða taka upp á því að tala saman í stað þess að horfa á sjónvarp saman.

Telja saman hve sparnaðurinn er mikill á mánuði taka frá og setja peninginn undir koddann (í eitthvað brunahelt) ef bankarnir fara á hausinn og við töpum peninunum sem við eigum þar.

Töpum við ekki líka skuldunum?

Jæja, nú ætla ég að setja alla brauðafganga inn í ofn og þurrka þá, mylja síðan og þá á ég rasp. En endurnar svelta frá minni hálfu þessa vikuna. Jæja ekki hægt að gera öllum til geðs.

Njótum dagsins.

Kreppan góða

2008-02-20T09:17:00.002Z

Ég elska tilhugsunina um kreppu.

Ein útgáfa ag kreppusúpu:

Súpupotturinn fylltur af vatni (fjórir lítrar eða svo)eða stóri potturinn á heimilinu. Og á eldavélina með greyið.
Meðan vatnið er að ná upp suðu, sting ég höfðinu inn í ísskáp og tíni út allt grænmeti sem ég á og tel henta í súpu, hreinsa og sker niður skelli svo í pottinn.

Laukur
Púrrulaukur
Paprika
Hvítkál
Gulrætur
Kartöflur
Tómatar

Meira fannst ekki í kæliskápnum á bænum.
Kíki í kryddskápinn - hum.........grænmetissteningur, salt, pipar, og svo eftir hvað mér líkar í hvert sinn.

Læt suðuna koma upp og svo mallar súpan á litlum hita svona í tvo tíma. Þá píska ég allt saman vandlega og komin er dýrindis súpa þykk og matarmikil. Þetta borðum við svo með gleði og ánægju með brauðinu sem ég bakaði meðan súpan sauð.

Njótum þess að borða og líka dagsins.

Kreppa

2008-02-19T12:23:00.002Z

Áfram með smérið. Eða bara sleppa smérinu í það minnsta á brauð, það límir bara áleggið fast. Ef við erum ekki að tvíhenda brauðmetinu upp í loftið má sleppa því............ Spara og grennast - hum.... jæja er feitmeti hollt eða óhollt um þessar mundir?

Veit ekki en athuga málið.

Svo ef þarf að laga fjármálin, má byrja á að sleppa internetstengingum heima og nýta sér frítt samband vítt og breitt um bæinn.

Njótum dagsins

Kreppuráð.

2008-02-18T09:03:00.002Z

Ráð eru góð þægileg að gefa erfiðara að framfylgja.

Í væntanlegri kreppu, þarf meðal annars að spara rafmagnið. Og kyndinguna.
Rakst á þetta:

Sparnaðarráð

Bæta má orkunýtni án aukakostnaðar, hér eru tíu ráð sem kosta ekkert en geta dregið verulega úr orkurkostnaði heimila:

Lækka innihita niður í 20°C
Slökkva alveg á raftækjum, ekki skilja þau eftir í biðstöðu
Hafa glugga lokaða nema við gagngera loftun
Ganga eða hjóla styttri vegalengdir
Fylla ávallt þvottavél og uppþvottavél
Hafa lok á pottum og pönnum og þekja alla helluna
Setja gluggatjöld fyrir glugga að næturlagi
Vistakstur með mjúkum akstri og réttum loftþrýsting í dekkjum
Ekki birgja ofna með húsgögnum eða gluggatjöldum
Fara í sturtu frekar en bað

Ég er svo hrifin af svona einföldum flottum ráðum en hvað geri ég:

Oftast er hitinn fremur lítill í kringum mig enda með bilaða eigin miðstöð mér er yfirleitt of heitt.
Þarna er ég aldeilis sek, tek mig saman í andlitinu. Einhver snillingurinn sagði mér að best væri að vera með einn alsherjar slökkvara svo ekki þyrfti að hlaupa um allt húsið.
Sek, ég er út í eitt með opna glugga og oft opið út, mér er alltaf heitt. Geng þó um hálfnakin.
Sek, geng bara út í bíl.
Happa og glappa aðferðin á mínum bæ, segi mér samt til hróss að á öðru heimilinu er lifandi uppþvottavél.
Fer eftir þessu án þess að vita afhverju, trúlega uppeldistengt.
Ég er með rúllugardínur til að halda ljósinu úti yfir sumartímann hefur ekkert að gera með hitatap.
Úps bílar eru ekki mín deild, keyri þá bara.
Alveg er ég saklaus af þessu.
Ég fer oftast í sturtu, stundum í bað. En velti fyrir mér sparnaði þar? Nota ég minna vatn í hálftíma sturtu en ef ég læt renna í bað? Sá spyr sem ekki veit.

Njótum dagsins, höfum áhyggjur af kreppunni þegar hún kemur.

Kreppan

2008-02-17T07:31:00.002Z

Yfirvofandi kreppa og kreppuráðin eru mér hugleikin, sparnaður og aðhaldssemi. Útsjónasemi og endurnýting. Endurvinnsla -- endurnýting. Nýtni og vinnusemi. Fara vel með.

Eftirfarandi er úr kaflanum um föt.

Fatnaður: Hér á landi er brýn þörf fyrir fatnað, sökum veðurfars einna helst og svo án efa siðsemi.
Fötin sem við eru hætt að nota á að gefa áfram ef þau eru nothæf. Þau sem eru ekki nothæf okkur og ekki öðrum á að nýta í annað ekki henda. Það ber að:

Skoða vel hreina flíkina.
Taka allar tölur af og setja í tölubox, tölubox/tölukrukku/töludós þarf ekki að kaupa við notum ílát sem búið er að tæma svo sem sultukrukku eða dósir undan skyri.
Taka rennilás af hann er og setja í rennilásaboxið.
Spretta flíkinni sundur.
Strauja út sauma.
Efnið tilbúið til notkunar þegar á þarf að halda.
Sauma má nýja flík.
Nota má efnið í bætur á aðra flík.
Eftir efnisgerð má til að mynda búa til afþurrkunarklúta.
Bekkjarýjur.
Kaffipoka.
Ef efnið er fullnýtt, það er búið að endurvinna það eins og hægt er þá er enn engin þörf á að henda.
Klippa má efnisafganga niður í ræmur og hekla til dæmis mottur.
Svo í lokin má tæta efnið niður og nota í bólstrun.

Nú allt ofangreint krefst þess að við höfum tíma í sýslið en engar áhyggjur þarf að hafa honum, enga atvinnu er að fá hvort eða er.

Nýtum og njótum þess að vera til.

Karfan

2008-02-15T07:33:00.005Z

Óskaplega merkilegar tær! Margar á hvorum fæti! Smakkast ljómandi, takk amma. " Sagði Heiðrún Björg við ömmu sína og brosti blíðlega"
Ójá og sei sei, ég dossa, sletti í góm og slæ mér á lær. Gaman í Hólminum.

Afi heillar dömurnar eins og fyrri daginn, mikið öryggi í þessum faðmi. Enda flottur afi.

Vedderinn lét ekki sitt eftir liggja skreið í fang afagösla. Enda færðist hann niður á vinsældarlistanum þegar heimasætan kom í heiminn.

Foreldrarnir eru stoltir og stilltu sér upp til myndatöku.

Við fórum síðan öll saman á körfuboltaleik, pabbinn að spila og hinir í klappliðinu. Við unnum leikinn og svo hélt hver og einn til síns heima. Skemmtilegur dagur, enda heillar hólmurinn.

Með hækkandi sól og komandi kreppu höfum við systur ákveðið að safna upplýsingum, hagnýtum, sem koma sér vel í kreppu. Dóttirin vildi nú kalla bókina " Hagnýt ráð á erfiðum tímum" en það er svo ráðsett nafn.----------Við systurnar erum allt annað en ráðsettar.

Bókin verður kaflaskipt eins og gæðabækur eru. Og undirkaflar eftir hendinni.

Dæmi:

Að elda úr engu. (Kaflaheiti)
Súpur (Undirkafli)

Naglasúpa
Hversdagssúpa
Kartöflusúpa
Sunnudagssúpa
Yndi húsmóðurinnar
Uppáhald pabbans
Norðlensk sæla

Og annað dæmi:

Fatnaður (Kaflaheiti)

Sokkar (undirkafli)

Að stoppa í sokka
Að bæta sokka
Að skeyta saman nýtanlegum sokkaplöggum
Að prjóna sokka
Að sauma sokka
Að endurnýta sokkaplöggin þegar þau eru ekki lengur nothæf sem sokkar.

Sokkabuxur(undirkafli)

Já kaflarnir verða margir og ýtarlegir, ekkert undanskilið. Sérstaklega verður fjallað um hvernig bæta má sængurver, lök og þessháttar án þess að það komi niður á gæðum og útliti.

Ég veit að okkur gengur vel enda hæfileikaríkar systur. En alltaf má á sig blómum bæta svo ef einhver lumar á hagnýtu kreppuráði, þá bara senda inn.

Guð hefur gefið okkur góðan dag, svo njótum hans.

Kærleiksheimilið

2008-02-10T10:36:00.000Z

Við ábúendur kærleiksheimilisins ætlum að leggja land undir dekk og heimsækja "Þá tannlausu"
Yngstu meðlimir fjölskyldunnar ganga undir nöfnunum " Hin tannlausa" og " Hin tennta" af honum Gösla mínum. Ég brosi blíðlega og flissa í laumi.

Dáist óendanlega af æðruleysi hans og umburðarlyndi, ekki er á hvers manns færi að búa með mér og elska skilyrðislaust.

Flissa og hlæ, flissa og hlæ þegar hann dansar fyrir mig ástardans Flamingófuglsins.

Er samt orðin of gömul í hreiðurgerð.

Njótum hvers annars.

Bleyjupoki/bleijupoki

2008-02-09T14:47:00.000Z

Það vantaði snið en allt bjargast.

Eftirfarandi er grobb:

Grobb og grobb.
Mont og sjálfsánægja.

Titrandi af stolti og saumakonufíling.

Gott og gilt að vera ánægður með sjálfan sig.

Ó já þetta gátum við gömlu hjónin, bleyjupoki á herðatré eins og einu sinni var. Soffían okkar bað fallega og fékk.

Smá vangaveltur, hux,hux og þetta tókst.

Við erum svo hæfileikarík hér í Borgarnesinu.

Njótum þess að vera til.

Snjór

2008-02-07T07:06:00.000Z

Og sjömínútur gengin í átta. Illa fært. Kaos. Límsnjór. Snjór. Snjór.

Festum okkur. Nýr snjór 22cm djúpur. Allir út að búa til engla.

Gaman gaman gaman. það sem sé snjóar. Hlusta á útvarp og heyri að illa sé fært, ófært.

Snjór er yndislegur, bjart yfir, hreint um stund, blæbrigði og litatónar einstakir. Stórfenglegt.

Lífið ljúft, kaffið gott, góður dagur og ég á leið í sturtu og út í daginn. Uppáklædd í sparifötunum bæði utaná og innaná.

Ekki veitir af blómum og hlýjum kveðjum.

Njótum dagsins.

Pollýanna

2008-02-01T10:26:00.001Z

Það sagði mér kona sem ég tala oft við að hún læsi bloggið mitt - hvort sem ég skrifaði eða ekki.
Mér þykir vænt um þessa konu.

Getið þið bara hver hún er.

Það þarf einmuna snilling til að lesa það sem ekki er skrifað og skilja það. Vá hvað ég vildi vera þessum gáfum gædd.

Jæja en líf mitt er vinna og vinna og svo vinna. Vinnan göfgar manninn ekki satt.
Ég hef verið að velta fyrir mér hversvegna ég skrifa eða skrifa ekki.

Hef ekki hugmynd um það. En leiði að því líkum að andans ruslafatan sé endanlega tóm og dallurinn með andagiftinni sem inniheldur allt það sem er ekki rusl sé full.

En veröldin er full af gáfumannaspekúlöntum sem eru alltaf að segja hið gáfulega, hið vitra, útdeila kenningum og skoðunum, vangaveltum og lausnum á veraldarvandanum

Ég læt ofangreinda um lært málfar og gáfulegar skoðanir, bíð í rólegheitum eftir að rusladallurinn fyllist á ný.

Njótum dagsin, lífsins og hvers annars.

Og jæja

2008-01-19T08:28:00.000Z

Hafdís Lilja

Við erum nú allra sætust gömlu skörin.
Ágúst Haraldur sprækur sem lækur.

Þau eru himnesk barnabörnin, Heiðrún og Hrefna horfa hvor á aðra með aðdáun.
Afi Gösli er fær í flestan sjó, hér heldur hann á Heiðrúnu.
Hér eru þrjú yngstu barnabörnin, Ella með Óliver, Hlynur með Heiðrúnu, Soffía með Hrefnu.

Ég get nú óendanlega dáðst að þeim.

Eldey Hrefna

Karólína

Hulda Líf

Heiðrún Björg

Njótum þess sem við höfum.

Andinn

2008-01-18T03:06:00.000Z

Andinn hefur yfirgefið mig. Hvað sem það svosum er.

Mér dettur ekkert leiðinlegt í hug.
Mér dettur heldur ekkert skemmtilegt í hug.

Ég hef skoðanir á öllu mögulegu en fuglinn þarf ekki að syngja allt sem hann kann.

Njótum hvers annars.

Annar dagur jóla

2007-12-26T09:26:00.000Z

Það er fátt fallegra en hvít jól, snjór og snjór. Ég er farin að eldast því ég neitaði að fara út og búa til engla með Gösla mínum en kannski næst.

Ekkert var spilað í gær eða ekkert hefur verið spilað um jólin hér á bæ eða lítið í það minnsta. Stækka þarf húsið og biðja um betra veður því flestir óttuðust að verða veðurtepptir einhverstaðar á leiðinni en svo reyndist bara vera ofankoma að einhverju ráði hér.

Meira seinna, meira kemur nú:

Ég fór og lagði mig.
Ég er með svo góða samvisku þessa dagana að það hálfa væri nóg, enda kemur Óli lokbrá í tíma og ótíma, dregur mig með sér inn í draumalandið, ekki er um neinar þvingunaraðgerðir að ræða heldur hreiðra ég um mig á sleðanum góða og við erum farin.

En inn á milli hef ég átt yndislegan tíma með fjölskyldunni eins og ætíð, jólin eru tími friðar ofáts og þakklætis.

Njótum dagsins.

Jólin

2007-12-24T10:09:00.000Z

Nú styttist í pakkana. ( Ekkert hægt að kíkja, mannskapurinn er farin að sjá við mér!)
Nú styttist í matinn. ( Það er gott að borða, það er gott að borða - matinn hjá þér)
Nú styttist í konfektið. ( Úps, ég þurfti að athuga hvort það væri skemmt)

Hún er komin tilfinningin blíðust og best um að allt sé gott, allt sé fínt og ég hlakka til.

Ég segi og meina að mér þykir vænt um þá sem eru í lífi mínu daglega, vænt þykir mér einnig um þá sem hafa komið og farið í gegn um tíðina.

Njótum þess sem við höfum, hvers annars og lífsins.

Þorlákur

2007-12-23T09:11:00.000Z

Lærður pisill, ekki það að ég viti hvað lærður pistill þýðir en hljómar vel ekki satt? Hér sit ég með sjálfstraustið mitt veika eins og stórskáldið forðum og velti fyrir mér deginum, lífinu og mér sjálfri.
Dagurinn fínn.
Lífið fínt
Ég fín.

Þá er nú ekkert meir að segja eða hvað? Það bilur nú oft hæst í tómri tunnu og svo er nú.
Talandi um daginn, þorláksmessu já þorláksmessu sem er hátíð út af fyrir sig, og í augnablikinu fyrir mig líka. Ein með sjálfri mér því heimilismeðlimir sofa svefni hinna réttlátu, þreyttir og sælir örlítil tilhlökkun sést í fari þeirra á vökutíma en þar sem þeir eru orðnir fullorðnir fer ég ekkert inn til þeirra og hlúi að þeim, þó svo hinir fullorðnu þurfi oft á því að halda. En ekki á þessum fallega morgni, eftilvill seinna. Horfandi fram á daginn; hún dótla mín og afleggjarinn hennar, skælistubban fríða ætla að koma í skötu og skrabbl. Ég geri ráð fyrir að dóttirin tvíhendi orðabókinn slitnu og góðu í þrátti við Göslarann okkar um meiningu orða og orðskrýpa meðan við Tútta borðum skötu. Ég hlakka svo til.
Varðandi lífið sjálft í sinni margbrotnu mynd þá er það yndislegt, ef ég þekkti ekki sorgina þá held ég að ég kynni ekki eins vel að meta gleðina og þakklætið sem ég finn fyrir á hverjum degi sem mér er gefin með öllu því frábæra fólki sem kemur inn í líf mitt og er í lífi mínu. Sumir stoppa um stund aðrir staldra lengur við allt með tilgangi og af öllu og öllum hef ég lært og er óendanlega þakklát frá dýpstu hjartarótum fyrir allt sem mér er gefið.

Varðandi mig sjálfa þessa fínu manneskju, þá er gott að vera ég fín hið ytra og innra, sátt og sæl, æðrulaus og hamingjusöm. Svo sérkennilegt að vera sífellt að uppgötva að hamingjan kemur innan frá. Og ekki síður að skilja hinar einföldu staðreyndir um sjálfan sig. Ég geri mig hamingjusama með afstöðu minni og framkomu.

Ofangreint raðað stafarugl er sem sé lærði pistill dagsins. Þá er honum lokið og ég get skrifað hitt og þetta eða þetta og hitt ólært. Það eru hvort eð er svo margir lærðir spekingar sem slá um sig orðræðu sem er illskiljanleg jafnvel þeim sjálfum að ég verð að fá að vera eins og ég er, ofvirk með athyglisbrest, örlítið á skjön við aðra menn, miðaldra en ekki ráðsett þó svo ég hafi flatst út í áranna rás.

Ég fer og klíp í pakkana, hristi þá og reyni að giska, þoli ekki pakka sem eru faldir í einhverju svo ég fatti ekki hvað í þeim leynist.
Njótum hvers annars.

Sorgin

2007-12-17T07:44:00.000Z

Sorgin bjó sig heiman að.

Um þetta leiti í fyrra var óvissan alger, vonin farin að minnka, óttinn mikill en líf mitt hélt áfram.
Ekki enn ljóst með það sem olli ótta mínum, það var þann átjánda desember sem staðfesting fékkst á, óttinn var ekki ástæðulaus.

Og lífið heldur áfram, njótum þess og hvers annars.

Stundum

2007-12-16T06:16:00.000Z

Stundum er lítið að segja, stundum ekkert.

Núna er ekkert.

Njótum hvers annars.

Allar fréttir af andláti mínu

2007-12-09T06:50:00.000Z

eru stórlega ýktar þó svo ekki verði hjá því komist að segja örlítið frá langri fjarveru þá er ég snarlifandi. Og bara í sprækari kantinum.

Ég hef sem sé verið í hvíldarinnlögn á stað þar sem innkaupa-þrifa og jólasjúkar konur geta komist á fyrir um hálfa milljón á dag.

Ég hef lifað á hráfæði, lifandi fæði, ávaxtasöfum, korni og grænmeti ásamt bráðhollu íslensku vatni, grænu og hvítu tei.

Magahreinsun, ristilhreinsun, fitumæling, súrefnisklefar og saltvatnskúrar ásamt huglægri atferlismeðferð hafa gert mig að betri manneskju andlega og líkamlega.

Allt annað að sjá mig get ég sagt ykkur í trúnaði, orðin há og grönn, slank og fitt.

Með glansandi húð og hár og stöðugan niðurgang. En allt er á sig leggjandi fyrir betri heilsu.

Því miður var komið svo mikið ryk á jólaskrautið sem komið var upp að nú verð ég að haska mér í að endurhanna allt heila klabberíið, yndislegt ég held ég þurfi að skipta öllu út. Gott að hann Gösli minn telur ekki eftir sér að bæta við sig vinnu núna á aðventunni.

Njótum dagsins lífsins og hvers annars.

Morgun

2007-11-12T07:30:00.000Z

Oft er ég morgunbjört og fögur, nú er ég fögur. Morgundimm og fögur - hljómar ekki sérlega vel, ekkert bjart yfir þeirri staðreynd. Það er dimmt yfir, malbikið svart enda er tólfti nóvember í dag skammdegið siglir brátt í hámark og svo er mamma mín áttræð, til hamingju mamma mín.

Jólin innan seilingar, börnin gleðjast, vonandi foreldrarnir líka. Einhver ætti að vera glaður yfir 700 milljóna leikfanga kaupum. Ég held þó að búðareigendur séu sælastir.

Ég velti því á stundum fyrir mér hvert allt fer sem ekki selst, veit að mat er hent.

Hvað með fötin sem ekki seljast?
Húsgögnin sem ekki seljast?
Leikföngin sem ekki seljast?
Allt glingrið og afþurrkunarefnið sem ekki selst?

Allt fer úr tísku, verður óþarfi, nýtt kemur gamalt fer. Yfirfull hús af lítilsverðum hlutum, sjaldan eða ekki notuðum, fáum eða engum til gleði.

Ég er pappírsþurrkudrottning Íslands, veit satt að segja ekki hvað ég gerði án pappírsþurrkna. Kannski tæki ég til hendinni og notaði bekkjarýjur ef í nauðir ræki. Sé til, hugsa málið.

Ég er að hugsa um að kaupa mér eggjasuðutæki í dag. Er með smá laust skáparými.

Þetta er góður dagur, mér líður vel, heilsan fráfær, skapið gott þrátt fyrir nöldur og taut enda eins og hann Gösli minn segir ég væri ekki ég ef ég væri ekki eins og ég er. Þó eru áhöld um það á heimilinu.

Njótum dagsins, lífsins og hvers annars.

Leiðin okkar allra

2007-11-09T20:18:00.000Z

Ég ætla mér út að Kalda
örlögin valda því.
Mörgum á ég greiða að gjalda
það er gömul saga og ný.

Guð einn veit hvert leið mín liggur
líf mitt svo flókið er
oft ég er í hjarta hryggur
en ég harka samt af mér.

Eitt lítið knús, elsku mamma
áður en ég fer.
Nú er ég komin til að kveðja.
Ég kem aldrei framar hér.

En mánaljósið fegrar fjöllin
ég feta veginn minn.
Dyrnar opnast draumahöllin
og dregur mig þar inn.

Ég þakkir sendi, sendi öllum
þetta er kveðjan mín.
Ég mun ganga á þessum vegi
uns lífsins dagur dvín.

Hjálmar( vonandi rétt eftir haft)

Blóm

2007-11-09T07:58:00.001Z

Maður getur alltaf á sig blómum bætt.

Fleiri vel valin orð.

2007-11-08T07:10:00.000Z

Ert þú að velta því fyrir þér hvort þú sért tilbúin(n) til að eignast barn?

Þá ættirðu kannski að taka þetta próf fyrst!

Fituprófið

Smurðu hnetusmjöri á sófann og aðeins upp á gardínurnar.
Settu nokkrar kjötbollur á bak við sófann og láttu þær vera þar yfir sumarið.

Leikfangaprófið

Náðu í kassa með 25 kílóum af Legó-kubbum.
Fáðu vin þinn til að dreifa vel úr kubbunum á gólfið í íbúðinni.
Láttu binda fyrir augun á þér.
Reyndu svo að fara frá svefnberginu og inn í eldhús og aftur til baka.
Það er bannað að vera í skóm og alveg bannað að æpa því það getur vakið barnið um nætur.

Stórmarkaðsprófið

Fáðu lánað eitt dýr af millistærð (t.d. geit) og farðu með hana í næsta stórmarkað að versla. Hafðu auga með geitinni allan tímann og borgaðu fyrir allt sem hún étur eða eyðileggur.

Fataprófið

Hefurðu prófað að klæða tveggja ára gamalt barn í föt?
Fáðu þér stóran, lifandi og spriklandi kolkrabba.
Troddu honum í lítið innkaupanet og passaðu að hafa alla armana inni í pokanum.

Matarprófið

Keyptu þér stóra plastkönnu. Fylltu hana til hálfs með vatni og hengdu hana svo upp í loftið í snúru. Láttu könnuna sveiflast til og frá eins og pendúl.
Reyndu nú að koma einni matskeið af hafragraut niður um stútinn á könnunni um leið og þú leikur flugvél með skeiðinni.
Helltu svo öllu innihaldinu á gólfið.

Næturprófið

Saumaðu þér lítinn poka úr sterku efni og fylltu hann með 4-5 kílóum af sandi.
Klukkan 15 tekur þú pokann upp og byrjar að ganga um gólf með hann um leið og þú raular. Þessu heldur þú áfram til kl. 21.
Leggðu þá pokann frá þér og stilltu vekjaraklukkuna á 22.
Þá þarftu að vakna, ná í sandpokann og syngja öll þau lög sem þú hefur mögulega heyrt um ævina.
Semdu svo 10-12 ný lög og syngdu þau til kl. 4 um morguninn á meðan þú gengur um gólf með pokann.
Stilltu vekjaraklukkuna á 5. Vaknaðu og taktu til morgunmat.
Gerðu þetta alltaf 5 daga í röð og líttu glaðlega út!

Bílprófið

Gleymdu því að fá þér BMW og fáðu þér station-bíl (þið vitið þessi löngu að aftan til að geyma vagna, kerrur og alls konar fylgihluti!)
Keyptu þér súkkulaðiís í brauði og settu hann í hanskahólfið. Láttu hann vera þar.
Finndu krónu. Settu hana inn í geislaspilarann í bílnum.
Fáðu þér stóran pakka af kexkökum og myldu þær allar í aftursætið.
Nú er bíllinn tilbúinn!

Þolpróf kvenna

Fáðu lánaðan stóran grjónapúða og festu hann framan á magann á þér.
Þú getur notað öryggisnælur og nælt pokanum í fötin þín.
Hafðu pokann framan á þér í 9 mánuði.
Að þeim tíma liðnum geturðu fjarlægt 1/10 af innihaldi pokans - 9/10 verða eftir.

Af hverju sagði mér enginn þetta fyrr?

Nokkur vel valin orð.

2007-11-07T21:41:00.000Z

Einhver sagði...
-Einhver sagði að það tæki um 6 vikur að komast aftur í eðlilegt ástand eftir fæðingu barns......Einhver veit ekki að um leið og þú verður móðir heyrir "eðlilegt ástand" sögunni til.

-Einhver sagði að mæður þekki móðurhlutverkið af eðlishvöt......Einhver hefur aldrei þurft að versla í fylgd þriggja ára barns.

-Einhver sagði að móðurhlutverkið væri leiðitamt......Einhver hefur aldrei ferðast í bíl eknum af unglingi með ökuleyfi.

-Einhver sagði að ef þú ert "góð" móðir muni barnið líka "verða gott"......Einhver heldur að barni fylgi leiðbeiningar og ábyrgðarskírteini.

-Einhver sagði að "góðar" mæður hækkuðu aldrei róminn við börnin sín......Einhver hefur aldrei farið út í garð rétt í tæka tíð til að sjá barnið sitt sparka fótbolta í gegnum eldhúsglugga nágrannans.

-Einhver sagði að menntun væri óþörf í móðurhlutverkinu......Einhver hefur aldrei þurft að hjálpa 10 ára barni við að leysa stærðfræðiverkefni.

-Einhver sagði að það væri ómögulegt að elska fimmta barn eins mikið og fyrsta barn......Einhver á ekki fimm börn.

-Einhver sagði að öll svör við vandamálum tengdum börnum sé hægt að finna í bókum......Einhver hefur aldrei séð barn troða baun í nef sitt eða eyra.

-Einhver sagði að erfiðasta kafla móðurhlutverksins væri lokið við barnsburð og fæðingu......Einhver hefur aldrei horft á eftir krílinu sínu fara eitt inn í stóra byggingu á fyrsta skóladegi, eða stíga upp í flugvél á leið í fyrsta íþróttakeppnisferðalagið sitt.

-Einhver sagði að mæður geti unnið verk sitt með augun lokuð og aðra hönd fyrir aftan bak......Einhver hefur aldrei þurft að halda tuttugu 5 ára gríslingum ánægðum í barnaafmæli.

-Einhver sagði að mæður geti sleppt hendinni þegar börn þeirra giftast......Einhver veit ekki að hjónaband felur í sér nýjan son eða dóttur til að elska.

-Einhver sagði að starfi mæðra sé lokið þegar yngsta barnið fer að heiman......Einhver á engin barnabörn.

-Einhver sagði að móðir þín viti vel að þú elskir hana svo það sé óþarfi að tyggja á því......Einhver er ekki móðir.

Njótum dagsins, lífsins og hvers annars.

Hvað skiptir mig máli?

2007-11-05T19:13:00.000Z

Allt fyrir þig Matta Syss!

Óliver Bjarkason varð tveggja ára nú í október, í jakkafötum, vesti og með bindi svo smekk.
Fínastur í jakkafötum og í stígvélum, amma elskar uppáklædda unga menn!

Það sem skiptir máli er það sem stendur mér nálægt, barnabörnin:

Dótturdóttirin Hrefna Helgadóttir

Sonardóttirin Heiðrún Björg Hlynsdóttir

Sonarsonurinn Óliver Bjarkason

Sonardótturin Hafdís Torfadóttir
Sonardóttirin Karólína Torfadóttir

Sonardóttirin Hulda Freysdóttir

Sonarsonurinn Ágúst Freysson

Sonardóttirin Magnea Óðinsdóttir

Og allar ömmustelpurnar sem ég á líka: Kata, Lísa, Harpa, Andrea, Birgitta, Heiða sem sé allar stelpurnar hans Óla hennar Ingu syss.

Karen og Heiðdís Söndrudætur og Sandra er dóttir Ingu syss.

Öll börnin mín, systkyni mín, í raun allir sem ég umgengst, mynda tengsl við, mér finnst í raun ekki skipta máli með blóðbönd heldur einnig þau tengsl sem myndast við samskipti og nærveru. Ég er þessa dagana afar upptekin af barnabörnunum, þau eru svo stórfengleg, friðsæl og einstök.

Okkur Óliver finnst gaman að vera tvö ein, hann að pósa og ég að dáðst að honum.(hoppa í sófanum þegar engin annar er heima)

Hér erum við systur, sætar og sællegar.

Heiðrún og Hlynur svo aldeilis alveg eins, lagleg bæði tvö alveg eins og amman.

Svo vill nú til að Heiðrún á mömmu sem heitir Unnur Edda, bara svo allir haldi ekki að Heiðrún(Fyrirsætan )sé eingetin af föður.

Svo passar Heiðrún alveg við mig!

Hér er nú Hrefna (veðurdís) Helgadóttir, alsæl hjá ömmu sinni enda voða fín amma sem hún á.

Södd og sæl, sofandi á ömmuöxl.

Hvurslags meðferð er þetta eiginlega á mér Amma?

Afi Gösli er alltaf jafn sætur og tekur okkur öllum eins og við erum.

Hér er hún Hafdís Torfadóttir sposk á svip.

Ótrúlega svipfögur ung dama Lísa Lind Ólafsdóttir.

Fann svona sæta mynd af Jóni bróður og hans fjölskyldu.

Matta syss ekki fleiri myndir hér í þessari tölvu en meira annarsstaðar sem koma þá fyrr en varir.

Njótum þess sem við höfum, fortíðin er liðin og við erum frjáls af henni, framtíðin er óskrifað blað svo dagurinn í dag er gærdagur morgundagsins njótum hans í botn og allra sem við þekkjum.

Það er laugardagsmorgun

2007-11-03T08:39:00.000Z

Og við gamla settið höfum setið og íhugað lífið tilveruna og annað skemmtilegt hér í Borgarnesinu. Helsu fréttir eru að það á að skíra Körfu litlu Hlynsdóttir inn í kristna kirkju á morgun og gefa henni nafn í leiðinni, fínt að gera þetta á sunnudegi og það sunnudeginum þegar tvíburabræður mínir eldast um eitt árið enn, það er gott að eldast.

Hjá okkur turdildúfunum eru tvær ungar stúlkur ljóshærðar og laglegar, þær spilla okkur en gera okkur líka að betra fólki með blíðu sinni og einlægni.

Það er gott að vera til ekki annað hægt að segja.

Hálfsvíinn er með athugasemdir um bloggleti og annan ósóma hef bætt úr.

Njótum dagsins, lífsins og hvers annars.

Ekkert

2007-11-02T07:20:00.000Z

Ekkert að frétta.

Engar skoðanir.

Engin niðurstaða.

Engin íhugun.

Engin hugsun.

Skildi ég vera á lífi?

Njótum dagsins, lífsins og hvers annars.

Rigning

2007-10-25T07:43:00.000Z

Mér finnst rigningin góð!

Umræðan hér við morgunverðarborðið var djúp að vanda, heimsmálin tekin og skeggrædd.

Byrjað var á rigningunni.

Óttalega rignir mikið sagði undirrituð/ofanrituð/ruslafata umvafinn í teppi með blómamynstri.

Það hefði mátt rigna meira í sumar rumdi í mínum heittelskaða - alklæddum.

Árið verður að meðaltali gott hvað varðar rigningu sagði ég og brosti. Málið útrætt og sett til hliðar ásamt annari speki aldanna.

Svo voru það blöðin, þeim flett, ekkert vert að lesa. Blöðum hent.

Þá kom að heilsunni > ekkert kvarthæft svo okkur báðum líður vel. Tekið af dagskrá.

Að lokum það skemmtilega:

Að hvartbregða? Mér hvartbrá!

Humm! Já. Mér brá. Kannast við það.

Mér varð hverft við. Þekki það.

En mér hvartbrá - hvorugt okkar skildi til fulls. Undur og stórmerki við þetta vel lesna, vel menntaða og vel skynsama fólk.

Er þetta orð skylt:
Ljósbrá
Kolbrá
Járnbrá

Ja hérna hér og hana nú.

Leggst undir feldinn góða (sem er reyndar orðinn slitinn) íhuga málið, húxa mitt mál.

Njótum dagsins, lífsins og hvers annars.

Hið ljúfa líf.

2007-10-22T07:27:00.000Z

Það kulaði nú á okkur gamla settið í bílskúrnum á dögunum enda bílskúrshurðin orðin óþétt. Ég fann prímusinn gamla góða undir flísahrúgu illa á sig kominn en gat af minni alkunnu lagni komið honum í gagnið.

Hann Gösli minn hengir nú haus yfir dönsku sturtunni á stundum en ég er á þeirri skoðun að það sé bara veimiltítu háttur.

Fyrir þá sem ekki vita hvað dönsk sturta er þá er rétt að útskýra það.

Málningadós úr áli er tekin þrifin vendilega og göt sett á botninn með nagla svona tveggja tommu. Fatan hengd á prik sem sett er út um lausafagið á glugganum. Út um gluggann er síðan leidd slanga ofaní fötuna og gífurlega gott sturtubað er komið.

Það sem Gösli minn er að fetta fingur út í er hitinn á vatninu enda bara kalt vatn í bílskúrnum. Svo finnst honum ámælisvert að ekkert hengi er fyrir. Ég skil það nú ekki hann sést bara frá götunni.

Njótum dagsins lífsins og hvers annars.

Veðurdís Helgadóttir

2007-10-19T13:32:00.000Z

Blíðan hennar ömmu sinnar.

Fyrirsæta Hlynsdóttir

2007-10-19T08:12:00.000Z

Sé fram á góðan liðsstyrk á körfuboltaleikjum í framtíðinni.

Jólin, jólin

2007-10-17T11:52:00.000Z

Hamingjusama fagra ég.

Ákvað að taka mark á kaupmönnum þetta árið og vera með tímanlega í jólastússinu.

Fór í Blómaval um helgina þar voru jólaskreytingar af öllum stærðum og gerðum, var ekkert að tvístíga í kringum dýrðina og keypti nýtt jólaskraut bæði fyrir Kveldúlfsgötuna og Skógarásinn.
Hef því verið afar upptekin við að skreyta út úr dyrum allt orðið spikk og span, tók smá skúringarsveiflu á gangstéttunum fyrir framan húsin eins og mamma og aðrar fyrirmyndarhúsmæður gerðu þegar ég var að alast upp í Reykjavíkinni á síðustu öld.

Búin að liggja á fjórum fótum við að extra alla þröskulda, þrífa bakvið undir og ofaná öllu innanhúss og utan, mér gekk reyndar heldur illa með þakrennurnar í ár en slapp með fá beinbrot. Enda geta ekki komið jól nema allt sé skínandi hreint.

Með kúlu á enninu því ég sofnaði á klósettinu og höfuðið rakst í vaskinn en allt er hreint.

Búin að kaupa allar jólagjafir, pakka inn og skreyta, konfektið lekkert í skálum smekklega uppstilltum hér og þar um húsið. Ákvað í ár að hafa konfektskálar á náttborðunum okkar Gösla, gefur svefnherberginu óvenju jólalegan blæ. Og skálin í stíl við jólasveinarúmfötin og mistilteinagardínurnar nýju. Er ekkert að segja frá því hér hvar ég fékk svefnherbergisjólaskreytingarnar því ég vil sitja ein að þessari einmuna smekklegu snilldar hönnun sem þar er.

Unaðslega elegant og lekkert.

Ég hef verið að senda póst á alla fjölmiðla landsins, það vantar jólalögin í útvarp og sjónvarp eitthvað eru þeir tregir þar en vonandi er þetta afléttilegur kvilli hjá þeim.

Auðvitað er ég búin að baka mínar átján smákökusortir rúllutertur lagkökur og hnallþórur ég þarf nú varla að nefna það.

Búin að panta jólahlaðborð allstaðar sem þau eru í boði alla daga aðventunnar, og kaupa föt sem hæfir tækifærunum á okkur bæði, nema aðfangadagsdressið það er í hönnun út í hinum stóra heimi.

Skrifa þetta úr bílskúrnum því ekki má snerta á neinu innanhús svo ekkert haggist í skreytingunum.

Meira seinna um jóla undirbúning og stúss.

Skælistubban fríða

2007-10-15T20:01:00.000Z

Afslöppuð fín og sæl sú litla.

Litla ljósið.

2007-10-15T19:58:00.000Z

Undur alheimsins.

Helgadóttir

2007-10-15T19:57:00.000Z

Eru þau ekki himnesk saman?

Kvenstormurinn

2007-10-13T19:53:00.001Z

Hún opnaði stór brún augu og sagði: Vá hvað þú ert flott ammahafdís!

Svarthærð og falleg.

Já, maðurinn er mesta undrið.

Dama Helgadóttir

2007-10-13T19:49:00.000Z

Hún er 52 sentimetrar og 16 merkur, falleg og vel sköpuð með svart hár.

Njótum dagsins lífsins og hvers annars.

Undur lífsins

2007-10-13T19:34:00.001Z

Ný dama

2007-10-13T06:47:00.000Z

Stormi hefur lægt, lítil dama fæddist í nótt klukkan korter í fjögur. Öllum heilsast vel.

Undursamlegt.

Njótum dagsins lífsins og hvers annars.

Fyrirsætan

2007-10-12T07:20:00.000Z

Ó hve gott á lítið barn:

Ótrúleg ást og umhyggja, verndandi föðurhönd. Þarf fleiri orð?

Ég bíð enn spennt eftir Storminum, ilja mér við að skoða myndir af sonardóttirinni. Daman ber fyrirsætunafnið með rentu, myndast einstaklega vel.

Úr einu í annað:

Ég nudda á fullu og gengur vel á því sviðinu. Meðgöngunuddbekkurinn nýji er alger snilld og barnshafandi konur eru mjög hrifnar, þá er sigur unninn ekki satt.

Yfirfull andleg ruslafata af skoðunum sem skipta mig máli, hvolfi fötunni:

Sviptingar í stjórnmálaheiminum! Ég velti því fyrir mér hvort raunverulega eitthvað breytist þó mannaskipti verða.

Hvað kosta svo óskupin?

Á stofnunum fyrir aldraða vafra einstaklingar um óþrifnir (mamma) og borið er við skorti á starfsfólki, á stofnunum og heimilum fyrir fatlaða er lágmarksþjónusta og sama ástæða fyrir ástandinu.

Ekki fæst starfsfólk vegna lélegra launa.

Ef líkur eru á að fóstur séu með Downs heilkenni er þeim eytt!

Hvenær verður þeim eytt sem eru ófríð sínum?

Einstaklingar eru heimilislausir á götum borgarinnar.

Aldraðir liggja dauðir heima hjá sér svo dögum og vikum skiptir.

Aldraðir eru einatt vannærðir á stofnunum.

Ekki fæst starfsfólk vegna lélegra launa.

Ráðamenn þjóðarinnar ferðast um heiminn á kostnað almennings og skoða og skoða, kynna sér, velta fyrir sér, sitja í nefndum, draga ályktanir, hugsa vonandi.

Ég veit um hóp manns sem fór utan á vegum Íþróttafélags, erindið var að skoða snjótroðara, fimm manns fóru í þetta kostnaðasama verkefni, það þurfti einn mann til að skoða hverja hlið.

Andleg ruslafata hefur tæmt fötu nöldurs og naggs þennan fallega haustmorgun.

Ég kem mér aftur fyrir á snerlinum og bíð spennt eftir nýju barnabarni.

Njótum dagsins.

Þunglyndi

2007-10-09T11:36:00.000Z

Í þunglyndi dagsins, eymd volæði og eymingjaskap ákvað ég að kaupa mér blóm eftir ábendingu uppáhaldsbarnsins sem situr heima og bíður eftir Stormi.

Þar sem blómin virkuðu til að létta lundina hef ég ákveðið að styðja hana í biðinni og bíða með henni.

Ég er komin í biðstellingu.

Bíð.

Njótum dagsins, lífsins og hvers annars.

Yndisleg

2007-10-05T08:28:00.000Z

Ég sjálf er loksins búin að uppgötva að ég er yndisleg, ekki slæmt fyrir konu á mínum aldri. Og aldur minn er frábær, heillandi og skemmtilegur.

Gösli minn segir á stundum að ég sé vitleysingur, hann elskar sem sé vitleysing. Það er gott á stundum að vera laus við vitið valsa um hamingjusamur og áhyggjulaus.

Engar áhyggjur af veðrinu, efnahagsástandinu, eymd volæði og aumingjaskap eða bara áhyggjulaus almennt og yfirleitt.

Sem sé: yndislegt að vera vitleysingur.

Við gömlu hjónin erum að bíða, bíða , bíða og bíða. Við bíðum eftir Storminum hennar Soffíu og Helga, hann virðist vera rólegheitar barn, enda er hlýtt og notarlegt í móðurkviði.

Ég kem mér fyrir á snerlinum á MT52.

Ég er glöð yfir að vera eins og ég er en ekki eins og einhver annar.

Njótum dagsins, lífsins og hvers annars.

Aldrei er góð vísa of oft kveðin.

2007-10-03T08:45:00.000Z

Hlustun

Þegar ég bið þig að hlusta á mig
og byrjar þú að gefa mér ráð
hefur þú ekki orðið við bón minni.
Þegar ég bið þig að hlusta á mig
og þú byrjar á því að segja mér
að líðan mín ætti að vera öðruvísi,
þá ertu að troða á tilfinningum mínum.
Þegar ég bið þig að hlusta á mig
og þér finnst þú verðir að gera eitthvað
til að leysa mín vandamál,
þá hefur þú brugðist mér, skrítið ekki satt?
Hlustaðu! Allt sem ég bað um var að þú hlustaðir.
Ekki tala eða gera - bara heyra.
Ráðleggingar eru ódýr lausn.
Ég get gert hlutina sjálf; ég er ekki ósjálfbjarga.
Þegar þú gerir eitthvað fyrir mig sem ég get gert
og verð að gera sjálf,
þá leggur þú fram þinn skerf til að auka ótta minn
og veikleika.
Ef þú einfaldlega viðurkennir líðan mína, hversu
óskynsamleg sem hún er.
Þá get ég hætt að reyna sannfæra þig, snúið mér að
því sem máli skiptir og reynt að skilja ástæðuna fyrir
líðan minni.
Þegar það er ljóst, eru svörin augljós og ég þarfnast
ekki ráðlegginga.
Óskynsamleg líðan hefur merkingu þegar við skiljum
hvað liggur að baki.
Ef til vill er það þess vegna sem bænin hjálpar,stundum,
fyrir suma,
vegna þess að guðirnir eru hljóðir. Þeir hafa ekki ráð á
reiðum höndum og reyna ekki að redda hlutunum.
Þeir hlusta bara og láta þig finna leið.
Þess vegna bið ég þig að hlusta og heyra.Ef þig langar
að tala,hinkraðu þá augnablik,og ég skal hlusta á þig.

Njótum.

Mátti til.

2007-10-02T13:59:00.000Z

Eftir því sem ég eldist, met ég mest konur yfir fertugt og her eru nokkrar ástæður hversvegna:

Kona yfir fertugt mun ekki vekja þig um miðja nótt og spyrja þig "hvað ertu að hugsa?" Hún kærir sig kollótta um hvað þú ert að hugsa.
Ef kona yfir fertugt vill ekki horfa á leikinn með þér vælir hún ekki yfir því. Hún gerir eitthvað sem hana langar til og yfirleitt er það áhugaverðara en leikurinn .

Konur yfir 40 eru virðulegar.
Þær fara sjaldan í öskurkeppni við þig í óperunni eða á fínum veitingastað. Auðvitað gera þær það ef þú átt það skilið, þá hika þær ekki við að skjóta þig ef þær halda að þær komist upp með það. Eldri konur eru örlátar á hrós, oft óverðskuldað. Þær vita hvað það er að vera ekki metin að verðleikum.

Konur verða skyggnar með aldrinum. Þú þarft aldrei að viðurkenna misbresti þína fyrir þeim. Þegar þú getur litið framhjá einni eða tveimur hrukkum, er kona yfir 40 langtum kynþokkafyllri en yngri kynsystur hennar. Eldri konur eru hreinar og beinar. Þær segja þér eins og skot að þú sért asni ef þú hagar þér sem slíkur. Þú þarft aldrei að fara í grafgötur með hvar þú hefur þær.

Já, við dásömum konur yfir fertugt af mörgum ástæðum. Því miður er það ekki gagnkvæmt. Því fyrir hverja glæsilega, smarta og vel greidda konu yfir fertugt, er sköllóttur, vambmikill forngripur í gulum buxum gerandi sig að fífli fyrir 22gja ára gengilbeinu.

Konur, ég biðst afsökunar.

Til allra þeirra karla sem segja; "Afhverju að kaupa kúna þegar þú getur fengið mjólkina frítt"

Hér eru nýjar upplýsingar; Nú á tímum eru 80% kvenna á móti giftingum

Hversvegna?

Vegna þess að konur gera sér grein fyrir að það borgar sig ekki að kaupa heilt svín þótt þær langi í smá pulsu!

Andy Rooney

Sittlítið af hvurju.

2007-10-01T19:49:00.000Z

Þetta er hún Kolla frænka mín, Kolbrún Jónsdóttir pilateskennari - hún er frábær. Síminn hjá henni er 8672727 og netfangið hennar er: kollapilates@hotmail.com. Og endilega prufið að koma ykkur í gott form.

Njótum hvers annars.

Fyrirsæta Unnar og Hlyns.

2007-09-29T16:56:00.000Z

Afi og amma skruppu á skagann.

Njótum dagsins.

Stormur

2007-09-29T09:52:00.000Z

Stormur í aðsigi?

Ójá komið að uppáhaldsbarninu sem á von á Stormi um þessar mundir samkvæmt sónartæki, amma og afi í Borgarnesi eru farin að bíða, afi bíður reyndar í vinnunni en er búin að setja á ískápinn úrklippu með "Stormur" á í tilefni dagsins. Ég er ótrúlega heppin tvö barnabörn á sama árinu og á svipuðum tíma. Guð er góður.

Ekki er reyndar ljóst hvort Stormur er strákur eða stelpa enda skiptir það ekki meginmáli í heimi kraftaverkanna.

Hún dóttir mín grunar reyndar að ég ætli að hanga á snerlinum heima hjá henni -yfirspennt gamla konan. Ég sem er ráðsett virðuleg eldri kona, nú dossar í mér.

Haustið er aldeilis ekki tími tregans eins og stendur í kvæðinu, haustið er tíminn þegar veðrið veit ekki alveg hvort það er vetur eða sumar. Haustið er tími töfrandi litbrigða. Haustið færir mér ótrúlega gleði.

Njótum dagsins lífsins og hvers annars.

Nýja daman

2007-09-28T00:25:00.000Z

Amman stóðst ekki freistinguna, undurfögur.

Fyrirsætan

2007-09-26T11:28:00.000Z

Já, já fyrirsætan mætti í gærkveldi kl 11:22 með smá aðstoð sem sé keisari.

Skælistubban undurfríða er alveg eins og amma sín, reyndar grét hún svo mikið þegar ég tók hana í faðminn að sonurinn hafði orð á að hún hefði fengið vitlausa ömmu úr ömmubúðinni!

Almáttugur alheimsfaðir verndar þau um ókomna tíð.

Ótrúlegt kraftaverk.

Njótum dagsins lífsins og hvers annars.

Uppnám

2007-09-20T07:40:00.000Z

Lögreglubúningar í uppnámi! Rétt að senda þá í meðferð.

Kyntákn hugsandi kvenna! Það er Gösli því ég er hugsandi kona.

Þrjátíuþúsund króna gróði í gær! Gösli pissaði á víðavangi.

Já svo mörg voru þau orð.

Njótum dagsins.

Hvíslað

2007-09-16T07:32:00.000Z

Við gamla settið hvíslumst á, tvö barnabörn sofa fallega og hljótt hljótt er í húsinu. Þau eru falleg þegar þau sofa og falleg þegar þau vaka. Við eru rík.

Haustið sígur yfir kyrlátt og fullt af litum, Hafnarskógurinn skartar sínu fegursta, Snæfellsjökull er fjarskafagur og leirurnar kyrrlátar.

Uss uss það sofa fleiri í húsinu, stórir skór og minni skór eru í forstofunni, sonurinn hefur komið heim í skjóli nætur og unnustan með.

Við erum allt í einu sex í húsinu, best að fá sér kaffi.

Njótum dagsins.